Servicio virtual pa investigacion den corant

30/03/2020

Biblioteca Nacional Aruba ta anuncia cu a logra “virtualisa” un gran parti di e servicionan di buskeda den corantnan historico y recien. En cooperacion cu entre otro Solo di PuebloAWEMainta y e team tras di The Morning News Aruba, awo ta posibel pa lesa y busca den mas cu 8 mil corant “full-text” publica na Aruba entre e añanan 1932 y 2019) via e link http://bna.aw/digital/corant.

Cu e adicion di e titulonan menciona, e corantnan / publicacionnan periodico disponibel online ta entre otro:

𝐴𝑟𝑢𝑏𝑎 𝐺𝑟𝑎𝑓𝑖𝑐𝑜 (1932)
𝐸𝑙 𝐷𝑒𝑠𝑝𝑒𝑟𝑡𝑎𝑑𝑜𝑟 (1934-35)
𝐸𝑙 𝑂𝑏𝑠𝑒𝑟𝑣𝑎𝑑𝑜𝑟 (1935)
𝐸𝑙 𝐵𝑜𝑙𝑒𝑡𝑖𝑛 – 𝑇ℎ𝑒 𝐵𝑢𝑙𝑙𝑒𝑡𝑖𝑛 (1939)
𝐴𝑟𝑢𝑏𝑎 𝐸𝑠𝑠𝑜 𝑁𝑒𝑤𝑠 (1941-1985)
𝐴𝑟𝑢𝑏𝑎 𝑃𝑜𝑠𝑡 (1942)
𝐴𝑟𝑢𝑏𝑎𝑎𝑛𝑠𝑒 𝐶𝑜𝑢𝑟𝑎𝑛𝑡 (1948-1967)
𝑇ℎ𝑒 𝑀𝑜𝑟𝑛𝑖𝑛𝑔 𝑁𝑒𝑤𝑠 𝐴𝑟𝑢𝑏𝑎 (2010-2014)
𝐷𝑒𝑛 𝑁𝑜𝑡𝑖𝑐𝑖𝑎 (2012-13)
𝐴𝑟𝑢𝑏𝑎 𝑇𝑟𝑎𝑣𝑒𝑙𝑙𝑒𝑟 (2015)
𝑆𝑜𝑙𝑜 𝑑𝑖 𝑃𝑢𝑒𝑏𝑙𝑜 (2005-2019)
Awe mainta (2007-2019)

E colecion digital nacional di Biblioteca Nacional Aruba ta conta mas cu 12.500 buki, potret, mapa, corant, revista y video online. E plataforma digital ta habri 24/7: http://bna.aw/digital/

Un danki grandi ta bay pa sr. Edmond Croes, sr. Victor Toko Winklaar, sra. Rosalinda Maduro y sra. Chandette Richardson pa nan permiso y na Tamara Beaujon pa su asistencia. Cualkier pregunta tocante di e servicio inovativo aki por wordo manda pa digital@bibliotecanacional.aw. Empresanan, editorialnan y autornan cu ta interesa pa aporta na e iniciativa aki y contribui publicacion(nan) tambe ta mas cu bonbini pa tuma contacto cu biblioteca.

Scroll To Top

Newsletter