Superheroe di storia

24/10/2019

Fundacion Bon Nochi Drumi Dushi tin e grato placer di invita Bo persona na lansamento di e buki tan spera “Superheroe di storia” y presentacion di e exposicion di nos Superheroenan. Esaki ta tuma lugar dia 19 di oktober na biblioteca di 5or pa 7or.

Alabes ta haci uzo di e oportunidad aki pa cera conoci cu e directiva nobo di Fundacion Bon Nochi Drumi Dushi, cu lo presenta su mes na publico.

Durante un aña un grupo di 10 mucha den edad di 5 pa 7 aña, 10 “Superheroe”, a kibra cabes riba diferente situacion den nos comunidad cu tabatin mester di atencion special. Nan a studia e situacionnan y a traha storia den cua nan ta ta conta con nan ta drecha e situacionnan aki. U grupo di boluntario a documenta e storianan, ya cu e ‘Superheroenan’ no por a lesa of skirbi ful independientemente ainda. Despues di finalisa nan storianan, nan a diseña nan propio trahe di Superheroe y cu ayudo di boluntario nan mes a traha nan trahenan.

Fundacion Bon Nochi Drumi Dushi ta gradici Boso di antemano pa boso presencia.

Scroll To Top

Newsletter