Ta invita 60plussers cu tin gana di combersa yama # 280 0505

24/03/2020

280 0505

Ta introduci un linea di telefoon gratis na unda 60plussers por yama. Por yama pa un combersacion y pa tur pregunta of informacion. Club Kibrahacha ta encarga pa coordina e projecto aki. E linea di telefoon ta: 280-0505 Por jama e linea di contacto durante dia for di 8or di mainta pa 12or di merdia y atardi for di 4or pa 8or di anochi. Esaki ta completamente gratis. Cu e linea di telefon aki a crea oportunidad pa sucha y combersa cu otro. Asina ta keda den contacto cu nos grandinan y alavez ta haya sa kico ta biba serca nan den e situacion actual. Ta purba evita cu nos grandinan ta keda isola.

E linea di telefoon ta wordo maneha pa un grupo di boluntario. Si tin hende den comunidad cu kier yuda cu esaki, por tuma contacto directo cu Club Kibrahacha na Tel: 582-8159. Tambe por registra como boluntario ariba e website www.org.aw di CEDE.

Scroll To Top

Newsletter