Te otro aña!

13/11/2019

Cu participacion di alumnonan di Prinses Amalia Basisschool y tur e autornan a clausura e di 27 edicion di Festival di Buki pa Mucha cu e tema Ban lesa, biaha y gosa.  Nos a yama ayo na tur e autornan, ilustradonan y contadonan di cuenta procedente di Hulanda, Corsou, Boneiro, Colombia y nos autornan local cu a participa na Festival di Buki pa Mucha 2019.

E proyecto grandi ta tras di lomba y diabierna a clausura e Festival di Buki pa Mucha cu un fiesta. Nos ta spera cu hopi mas mucha a keda entusiasma cu buki, storia y lesamento y e bishita di un autor of ilustrador. Al menos esey tabata nos meta. Tur dia nos ta yama bon bini na hopi bishitante di tur edad pero tin biaha biblioteca ta sali bay pafo. Nos ta haci esaki cu buki, musica, autor di buki pa mucha, contador di storia y tambe ilustrador. Nos ta despidi di e grupo di e aña aki cu a duna tur nan energia, creatividad y input. Pa otro aña e tema di e festival ta ‘Historia’ y e ideanan a cuminsa brota caba. Nos ta gradici un grupo di boluntario cu a guia e autornan pa scol y tambe nos sponsornan. Tambe tur e muchanan cu a duna un bunita presentacion. Di curason masha danki na tur cu a yuda y ta duna aporte na e proyecto.

Scroll To Top

Newsletter