Teachers united
24/04/2019
Linguista sr. Ramon Todd Dandare a bishita directora di Biblioteca Nacional Aruba, sra. Astrid Britten y su colega, sra. Des Croes, hefe di Dept. Arubiana. E bishita tabatin un motibo special. Sr. Ramon Todd Dandare a entrega 3 ehemplar di e publicacion ‘Teachers united’ na sra. Britten.
Esaki ta un buki conmemorativo di e di 60 aniversario di Teachers United (TU). TU ta un organisacion unico, un di e clubnan di veterano (futbol) cu mas existencia na Aruba, keto bay participando den campeonatonan di federacion di Futbol Veterano di Aruba (FEDEVETA).
E publicacion a keda compila pa Frans Dijkhoff, Richard (Richi) Frank, Tirsio Koeyers, Ramon Todd Dandare y Johannes (Jopie) Wever. Esaki ta un contribucion valioso pa e coleccion nacional y publico por consulta e publicacion na Dept. Arubiana.