Tres donacion

19/12/2019

Hefe suplente di Biblioteca Nacional Aruba, sra. Lilian Semeleer, a haya dos bishita di autor di exterior. Sr. Diego Darío Lopez Mera y sr. Oscar Javier Ferreira Vanegas a bishita Aruba for di Colombia y a dicidi di haci un bishita na biblioteca pa asina entrega un donacion di nan ultimo publicacionnan.

Sr. Diego Darío Lopez Mera a baha for di crucero pa regala biblioteca su bukinan di ficcion titulo ‘Los hombres que aterrorizaron al mundo’ y tambe ‘Monstruos fantasticos’. sr. Oscar Javier Ferreira Vanegas a presenta su publicacion ‘Psicologia de la musica y el color’ na sra. Lilian Semeleer. E ultimo ta un estudio profundo di e efecto cu musica tin riba e ser humano y e aplicacion di terapia di musica y color.

Pues, bishita di sorpresa, bukinan hopi diferente, imprenta riba papel recicla, entrega riba e mesun dia. Danki na tur dos autor. Pronto e publicacionnan aki lo ta den coleccion di biblioteca publico.

Scroll To Top

Newsletter