Matanan medicinal local

August 7, 2018

Biblioteca Nacional Aruba ta presenta otro edicion di Sustainable Education Symposium (SES) y esaki ta tuma lugar dianan 3 pa 14 di september na biblioteca na Playa. Tema e aña aki ta ‘Matanan Medicinal Local’.

Seminar: E prome siman (3-7 di september) lo tin seminario pa studiantenan di scol secundario y avansa. Orador principal ta sra. Dinah Veeris di Corsou y otro oradornan di Aruba ta sra. Olinda Rasmijn, sra. Judy Boekhoudt, sra. Titi Tromp, sr. Ciro Marquez, sr. Inger Croes y sr. Urvin Leest.

Obra di man: Di dos siman (10-14 di september) lo tin workshop ‘Traha un obra di man’ re-usando material manera plastic y otro material cu normalmente nos ta tira afo. Facilitador pa e tayer  ta sr. William Michaels Guerrero, artista for di Colombia (Sr. Guerrero mes cu ta traha cuadra cu materialnan recicla).

Charla pa publico: Anochi di lectura ta tuma luga diaranson anochi, 5 di september, pa publico general na Cas di Cultura di 7or pa 9or. Esaki combina cu un mercado di Remedi di tera.

Aruba Bank ta sumamente complaci pa ta e patrocinado di e di VII Sustainable Education Symposium. E proyecto ta directamente relaciona cu e Sustainable Development Goals (SDG’s) di United Nations. E “goalsnan” of metanan #3 (Salud y Bienestar), #4 (Calidad di Educacion), #15 (Bida riba Tera), #16 (Paz y Husticia) y #17 (Partnership) ta directamente relaciona cu e SDG’s menciona.

Scroll To Top

Newsletter