Podcast ‘Biba la Bieb’
Nos ta presenta 6 edicion di nos Podcast ‘Biba la Bieb’. Esaki ta un producto nobo, produci in-house den Studio di biblioteca, cu Gina, Zetsia y Alexis. E trio ta combersa riba topiconan manera lesamento, Avalancha di informacion, Stimula lesamento, efectonan di lesamento, e profesion di bibliotecaria/Information specialist, inspiracion for di buki. Esaki ta un forma nobo pa comunica cu personanan interesa den lesamento y e mundo di biblioteca. ‘Biba la Bieb’ ta yega na oyentenan cu ta gusta cushina cu headphone bisti, scucha Podcast den auto, canando canto di lama of sinta trankil riba veranda.
Edicion # 1: Lesamento
Gina (Geminis), Zetsia (Aquarius) y Alexis (Libra) ta combersa riba lesamento. Nos ta lesa hopi? Kico nos ta lesa? Bo ta haya sa den Podcast aki con nos ta experencia lesamento.
Edicion # 2: Avalancha di informacion
Nos ta haya hopi informacion diariamente. Con bo ta maneha e avalancha di informacion? Con ta selecta/ filtra of blokea tanto informacion?
Edicion # 3: Con ta stimula lesamento?
Con bo ta stimula otro pa lesa? Y con bo ta stimula mucha pa lesa mas?
Edicion # 4: Pakico lesa?
Nos ta combersa riba e efectonan di lesamento y pakico ta bon pa lesa.
Edicion # 5: Pakico lo bo kier ta un bibliotecaria?
Awe nos ta combersa riba nos profesion y e trabou na biblioteca. Un profesion hopi special.
Edicion # 6: Inspiracion pa lesa
Nos ta combersa riba inspiracion pa lesa. Kico ta inspira bo pa lesa y unda bo ta haya inspiracion?
(Por scucha e Podcast tambe via Soundcloud y Spotify)
