Alydia Wever ta representa Aruba na Bienal 2019 na Cuba
20/03/2019
Bailado, coreografo y docente di Baile, Alydia Wever ta representa Aruba na Bienal 2019 na Cuba. Esaki ta tuma lugar na Habana, Cuba di dia 12 di april 2019 pa dia 12 di mei cu participacion di artista di mas di 45 pais, entro otro di region Caribe y Sur America.
E proyecto multidisciplinario ‘Anthropicalta‘ ta un concepto cu e artista Alydia Wever di Aruba iniciadora, coordinadora, directora, coreografa di di Expression 2001, Energia Interno 2003, One in Soul 2008, Muhe Frida 2011, Riba e Mesun Awa 2015 y Expresion 2018 a crea y a cuminsa como un idea cu a nace na aña 2017. E idea di trece e concepto a keda den su mente y a sigi traha continuamente ariba e structura, coreografianan, artistanan invita y e buskeda di informacion historico cu porfin awor despues di dos aña, awor cu invitacion y cooperacion di e organisacion di e Bienal di Havana, Cuba y fondonan di Embahada Di Reino Hulandes na Cuba, Aruba Tourism Authorities, Prins Bernhard Cultuur Fonds Caribisch Gebied y UNOCA por presenta.
‘Anthropical‘ lo trece historia di e cultura di Aruba su pasado y tambe su presente; como identidad di ken nos ta, di nos historia y su continuinidad. Den e concepto pa cu e produccion aki tin reflehonan di e desconeccion pa cu e artista mes, su espacio y tur cos rond di dje. Door cu e temanan cu suscrito ta trece padilanti ta universal, e ta ser mira como e fuente di inspiracion, cu nos tur por relaciona nos mes cu ne y por pone e ser humano pensa mas leu.
Alydia ta invita tres bailado Arubiano profesional Eva Croes, Kevin Gumbs y Orwin Gomes (studiando) bibando na Hulanda cu lo bay presenta e parti di e Art performance nan. Mester agrega cu lo bay tin un interacambio cultural cu 10 studiante bailado jong di Cuba cu lo bay presenta den un di e scenario nan di e produccion.
Scroll To Top