Calendar

BNA – Biblioteca Nacional Aruba

Apr
23
Thu
Sinti mi sintí @ Biblioteca Nacional Aruba
Apr 23 @ 6:30 PM – 8:00 PM
Sinti mi sintí @ Biblioteca Nacional Aruba

Crisèn Schorea (Curaçao, 1975) a publica su prome coleccion di poema na 2016, titula ‘Sinti mi Sintí’. Crisèn ta na Biblioteca Nacional Aruba dia 23 di april pa declama poema for di e coleccion aki. Presentacion ta cuminsa 6or y mey. Un y tur ta bon bini. E presentacion aki ta den cuadro di Dia Internacional di Buki y Derecho di Autor.

E título ‘Sinti mi Sintí’ ta referi na sinti loke Crisèn ta sinti, pero tambe sinti con su mente ta funciona. E buki aki ta laga bo experencia un tiki mas di cerca loke e ta sinti y su (mal)custumber di racionalisa y analisa sintimento. Ta un intento pa uni sintimento y pensamento y comparti esaki na ‘es cu tin sinti y ke sinti’. Y tur esaki na ‘Papiamentu’ e idioma di mas bunita na mundo.

Den pasado Crisèn a participa na diferente proyecto literario manera, ‘Dichters in de Bomen’, ‘Literaire Tippelzone 2008 & 2009’, ‘Siman di Ban Lesa (Kinderboekenweek Curaçao) di 2014-2019 y proyecto ‘Un buki pa lesa’ di JCIOBA. Na 2017 y 2018 Crisèn a participa na Festival di Buki pa Mucha na Aruba y ela bishita hopi scol.

Crisèn su profesion ta Sosiologo, ademas e ta un escritor, cantante, actriz, un admiradora di arte, en especial arte escenico. Dia 23 di april lo tin oportunidad pa publico haci pregunta y e buki lo ta na benta.

Banda di esey dia 25 di april Crisèn lo tin su ‘Book & CD Launch Concert’ na Fort Zoutman, pa 20.00 PM. Durante di e presentación ey e lo presenta poema di e buki y piesanan di su album ‘Morde mi, Kome mi’, cu e aña aki a ser nomina pa ‘Premio UNESCO Curaçao pa Idioma Materno Papiamentu’.

May
3
Sun
Mercado di buki @ Biblioteca Nacional Aruba
May 3 @ 9:00 PM – 2:00 PM
Jun
9
Tue
Nativa: exhibicion di fotografia @ Biblioteca Nacional Aruba
Jun 9 @ 8:00 AM – Jun 30 @ 7:00 PM
Nativa: exhibicion di fotografia @ Biblioteca Nacional Aruba

Fotografo Desmond Ridderstap ta presenta su exposicion di potret titula ‘NATIVA Exhibicion di Fotografia 2020’. Esaki lo ta den sala di exposicion di Biblioteca Nacional Aruba.
E exposicion ta habri pa un y tur di dia 9 di juni te cu dia 30 di juni 2020 durante orario di biblioteca.

Scroll To Top

Newsletter