Evangelio segun Lucas na Papiamento
27/11/2018
‘Evangelio segun Lucas’ a keda traduci na Papiamento. Presentacion di e buki ta tuma lugar na biblioteca dia 11 di december, 2018 pa 7or pa 9or di anochi.
E traduccion di e texto di Evangelio di Lucas for di bijbel ta keda presenta como clausura di ‘Aña di Papiamento’. Minister di Enseñansa y Desaroyo Sostenibel sr. A. Rudy Lampe, hunto cu e miembronan di Cas di Papiamento a participa esaki. Ta intencion pa traduci e biblia completo na Papiamento den proximo 3 aña.
Segun e mandatario sr. Rudy Lampe, e Evangelio aki tin un di e storianan di mas bunita, tocante e nacemento di Hesus. Y den luna di December lo recorda e nacemento di Hesus. E publicacion aki ta un cooperacion di Sosiedat di Beibel den Caribe Hulandes cu sra. Swinda Schwengle y sra. Selvia Lumenier.
Sosiedat Antiano di Beibel (SAB) tin su cede na Gaitoweg 3 na Corsou. Hunto cu SAB tin 144 Sosiedadnan di Bijbel mas rond mundo, cu ta carga e nomber di ‘United Bible Societies’. Tur tin como mision logra un distribucion mas amplio y efectivo di Palabra di Dios, y yuda hende interactua cu Palabra di Dios. SAB ta carga responsabilidad di sirbi e 6 islanan di Caribe Hulandes, esta Aruba, Boneiro, St. Maarten, Saba y St. Eustatius y Corsou.
Un y tur ta bon bini na e presentacion di buki.
Scroll To Top