No mishi cu mi
03/07/2019
Na biblioteca tin actividad pa mucha tur siman. Diamars atardi 3or na Playa y diaranson atardi mes un ora na biblioteca San Nicolas. Meta ta pa duna mucha informacion informativo y pa stimula nan pa lesa di diferente topico y tambe tur tipo di storia. Mucha por bira miembro di biblioteca for di 0 aña caba y miembracia ta solamente 1 florin. Nan por fia 3 buki pa tres siman.
Ayera tabatin como invitado Fundacion Respetami. Representantenan di e fundacion a conta un storia cu e tema ‘No mishi cu mi’ pa medio di peluche y Kamishibai pa splica e muchanan con pa proteha nan mes na momento cu nan haya nan mes den un situacion incomodo. E grupo a haya informacion tambe con pa nan tuma nota di tur loke ta pasa rond di nan. Pa motibonan practico a parti e grupo di mucha den dos. 14 mucha di 8-12 aña y 26 mucha di 4-7 aña. Presentacion asina ta parti di e campaña nacional pa concientisa mucha di ‘bisa no’ ora cu no ta desea pa un otro mishi cu nan.
Asina a claursura e programa di actividad pa mucha di e prome parti di 2019. Despues di vakantie grandi biblioteca ta sigui cu e di dos parti. E actividadnan semper ta gratis y tur mucha ta bon bini.
Den vakantie grandi biblioteca ta ofrece su programa vacacional di pasa pelicula den aire liber. Esaki ta gratis y ta cuminsa e siman binidero.
Scroll To Top