Richard a prepara mas storia
09/10/2020
For di 2016 Oompie Richie ta participa na e Festival di Buki pa Mucha y e ta gusta hopi. Richard Dabian ta un persona hopi creativo, e ta contador di storia, cantante y e gusta teatro y baile. Richard ta traha na biblioteca mes y e ta boluntario pa Fundacion Bon nochi Drumi dushi. “Na 2019 mi storia ‘E faro di multicolo’ a bira e buki oficial pa Festival di Buki pa mucha.” Esaki a duna Oompie Richie mas gana di conta storia y el a dicidi di conta storia via YouTube den un periodo cu tur mucha mester a keda cas un par di siman. Por lesa e buki ‘E faro di multicolo‘ den nos coleccion digital.
E aña aki tur escritor ta traha nan presentacion den Studio di biblioteca. Nan kier stimula mucha pa lesa pero e biaha aki no tin hopi bishita pa scol. Pesey nan ta traha duro den Studio. Anto muchanan di scol por wak nan y scucha storia via television of Smartboard.
Dos aña pasa Richard a contribui cu e storia titula ‘Unda mi ronchi preto ta?’ pa e buki ‘Amigonan tur caminda’. E buki aki ta un compilacion di storia pa mucha.
