BNA - Biblioteca Nacional Aruba

Un poco di historia di nos isla

09/10/2020

Benjamin Romero ta bay conta muchanan un poco di historia di Aruba. E autor tin interes pa hopi topico y ta skirbi tur dia pa corant. Diariamente Benjamin ta entrevista hende rond Aruba cu tin algo interesante pa comparti. Banda di su trabou pa corant e ta skirbi di topiconan cu tin su interes. Pa esaki e ta haci investigacion tambe y ta haci entrevista. Sr. Romero ta bay conta muchanan un poco di e historia di e negoshi di koffie na Arubay tambe poco historia di un bario na Aruba.

Benjamin Romero a nace na Aruba dia 9 di mei 1963. El a realisa su estudio escolar y universitario na Colombia, pais di origen di su mayornan. El a gradua como Comunicador Social y Periodista na Universidad de La Sabana na Santa Fe de Bogotá, Colombia.  Despues cu el a gradua, Benjamin a regresa su isla natal, unda e tin mas cu 25 aña trahando den prensa. Actualmente e autor ta sigui traha como periodista di e corant Bon Dia Aruba.

Na aña 2016 Benjamin a publica su prome buki, E Negoshi di Koffie na Aruba, cu a bira un best seller. A imprimi dos edicion di e obra aki na Papiamento y un version na Ingles. E Caya di Monche ta su di dos buki, dedica na e linguista Ramon Todd Dandaré den cuadro di Aña di Papiamento 2018. Tin dos edicion di e obra aki na Papiamento.